Mannauður

Líflegur vinnustaður

Rannís er líflegur vinnustaður með um 60 manna starfsliði sem starfar eftir gildum stofnunarinnar: Áhrif, fagmennska og samstarf. Hlutverk Rannís er að treysta stoðir íslensks samfélags með stuðningi við rannsóknir, nýsköpun, menntun og menningu og styðja þekkingarsamfélagið með rekstri samkeppnissjóða, aðstoð og kynningu á alþjóðlegum sóknarfærum og samstarfsmöguleikum.

Starfsfólk Rannís

Í árslok 2021 var starfsfólk Rannís alls 63 í 58,65 stöðugildum með forstöðumanni. Starfsfólki fjölgaði um 9 frá fyrra ári og stöðugildum um 7,9. Þar af voru nokkrir starfsmenn ráðnir inn í tengslum við flutning Enterprise Europe Network (EEN) frá Nýsköpunarmiðstöð Íslands yfir til Rannís og enn aðrir vegna aukins umfangs verkefna á rannsókna- og nýsköpunarsviði og mennta- og menningarsviði. Alls hættu tveir starfsmenn á árinu, annar vegna aldurs, og var ráðið í störf þeirra.

Dreifing mannauðs á milli sviðaFj. starfsm.Fj. stg.Kvk. stg.Kk. stg.
Rekstrarsvið119,807,752,05
IASC skrifstofa21,751,50,25
Mennta- og menningarsvið2422,6516,656,0
Greiningar- og hugbúnaðarsvið65,603,02,60
Rannsókna- og nýsköpunarsvið2018,8512,056,80
6358,6540,9517,7

Stöðugildi

Í árslok 2021 voru 11 starfsmenn á rekstrarsviði í 9,80 stöðugildum að forstöðumanni meðtöldum. Fjöldi starfsfólks á skrifstofu IASC hélst óbreyttur á milli ára eða 2 starfsmenn í 1,75% stöðugildum. Á mennta- og menningarsviði voru 24 starfsmenn í 22,65 stöðugildum en þar fjölgaði starfsfólki vegna aukinna umsvifa og skipulagsbreytinga um 3 en stöðugildum um 2,45. Í árslok 2021 voru 20 starfsmenn á rannsókna- og nýsköpunarsviði í 18,85 stöðugildum. Var það fjölgun frá því árið 2020 um 5 starfsmenn og jafnmörg stöðugildi, sem tengist einnig auknum umsvifum og skipulagsbreytingum. Á greiningar- og hugbúnaðarsviði voru 6 starfsmenn í 5,60 stöðugildum í lok árs.

Af 58,65 stöðugildum í árslok 2021 voru sérfræðingar í 48,75 stöðugildum, almennir starfsmenn í 4 stöðugildum, starfsmaður í tímavinnu í 0,60 stöðugildi, aðstoðarmaður í 0,30 stöðugildi, sviðsstjórar í 4 stöðugildum eins og undanfarin ár og forstöðumaður í 1 stöðugildi.

Lífaldur starfsfólks og aldursdreifing

Meðalaldur starfsmanna í árslok 2021 var 49,5 ár. Meðalaldur kvenna var 50,2 ár og karla 48,9 ár. Flestir starfsmenn eða 36,5% eru á aldursbilinu 51-60 ára, 22% eru á aldrinum 61 árs og eldri, 20,7% eru á aldrinum 41-50 ára, 11,11% er á aldrinum 31-40 ára og 9,6% eru 30 ára og yngri.

Heildar-fjöldi starfsm.Fjöldi 30 ára og yngriFjöldi 31-40 áraFjöldi 41-50 áraFjöldi 51-60 áraFjöldi 61-70 ára
6367132314
100,00%9,6%11,11%20,7%36,5%22 %

Fræðsla innan Rannís

Rannís leggur áherslu á að bjóða starfsfólki sínu fjölbreytta fræðslu með það að markmiði að auka skilvirkni og gæði starfsins, ásamt því að bæta í senn árangur og starfsánægju. Starfsfólk sótti fræðslu og námskeið í tengslum við starfsþróunaráætlun á árinu og í boði voru um 30 fjölbreytt námskeið á vegum stofnunarinnar. Á árinu var einkum lögð áhersla á rafræn námskeið og innanhússnámskeið vegna aðstæðna. Meðal námskeiða má nefna: Lean-vinnustofur og eftirfylgni undir handleiðslu ráðgjafafyrirtækisins Manino, námskeið í jafnréttisáætlun Horizon Europe en þar var leiðbeinandi Sigrún Ólafsdóttir, sérfræðingur Rannís. Einnig var fjöldi námskeiða í Microsoft 365, GoPro og tengt skjalamálum yfir allt árið undir handleiðslu Kristínar Óskar Hlynsdóttur gagna- og gæðastjóra Rannís og fleira.

Nýliðafræðsla var haldin jöfnum höndum fyrir nýja starfsmenn Rannís þar sem farið var yfir lykilatriði í starfseminni.

Alls voru haldnir fimm starfsmannafundir á árinu og fimm fréttafundir bæði í rafheimum og raunheimum. Fréttafundir eru óformlegir morgunverðarfundir, en þar getur hver sem er kvatt sér hljóðs og sagt frá því sem er á döfinni og á erindi til annarra starfsmanna.

Námsleyfi

Alls var varið 803 klst. í námsleyfi starfsmanna. Þrír starfsmenn fengu formlegt námsleyfi til að leggja stund á nám, hver í þrjá mánuði, en hluti af því leyfi færðist frá 2020 vegna Covid-19. Einn starfsmaður kaus að fresta námsleyfi til næsta árs vegna aðstæðna og eins var einn starfsmaður sem lauk námsleyfi sem hann hóf á árinu 2020 af sömu orsökum. Fjöldi skráðra tíma í námsleyfi var sambærilegur og fyrir Covid-19.

Starfsauglýsingar

Í árslok 2020 var auglýst eftir sérfræðingi í rannsóknateymi á rannsókna- og nýsköpunarsviði, og í tengslum við flutning Enterprise Europe Network (EEN) frá Nýsköpunarmiðstöð Íslands yfir til Rannís voru tveir sérfræðingar sem stýrt hafa EEN hjá NMÍ ráðnir á sviðið. Þessir starfsmenn hófu störf í byrjun árs 2021. Í janúar var auglýst eftir tveimur sérfræðingum í alþjóða- og nýsköpunarteymi rannsókna- og nýsköpunarsviðs sem hófu störf á vormánuðum. Eins var bætt við starfsmanni í nýsköpunarteymi sviðsins á haustmánuðum. Tveir nýir starfsmenn bættust í æskulýðsteymi mennta- og menningarsviðs. Í ársok 2021 var auglýst eftir hugbúnaðarsérfræðingi á greiningar-og hugbúnaðarsvið og sérfræðingi í rannsóknateymi á rannsókna- og nýsköpunarsvið. Það starfsfólk hefur störf á fyrri hluta árs 2022.

Einnig voru ráðnir inn 10 sumarstarfmenn á vegum átaks varðandi sumarstörf námsmanna, sem Vinnumálastofnun stýrði, en efnt var til í samvinnu við stofnanir ríkis og sveitarfélaga.

Starfsfólk í árslok 2021

  • Aðalheiður Jónsdóttir 
  • Andrés Pétursson 
  • Anna R. Möller 
  • Ágúst H. Ingþórsson 
  • Álfrún G. Guðrúnardóttir 
  • Árni Sigurðsson 
  • Ármann Pétursson
  • Ása Guðrún Kristjánsdóttir (leyfi)
  • Ásta Vigdís Jónsdóttir 
  • Berglind Fanndal Káradóttir 
  • Birna Vala Eyjólfsdóttir 
  • Bylgja Valtýsdóttir 
  • Davíð Lúðvíksson 
  • Dóra Stefánsdóttir 
  • Egill Þór Níelsson 
  • Elísabet M. Andrésdóttir  
  • Elísabet Ólafsdóttir
  • Elvar Helgason 
  • Embla Sól Þórólfsdóttir
  • Eva Einarsdóttir 
  • Eyrún Helgadóttir 
  • Eyrún Sigurðardóttir 
  • Fanney Reynisdóttir 
  • Gróa María Svandís Sigvaldadóttir 
  • Guðmundur Ingi Markússon 
  • Hallgrímur Jónasson 
  • Hannes Ottósson
  • Helga Dagný Árnadóttir 
  • Helga Snævarr Kristjánsdóttir
  • Herdís Þorgrímsdóttir 
  • Hulda Hrafnkelsdóttir 
  • Jóhann Páll Ástvaldsson
  • Jón Svanur Jóhannsson 
  • Júlíana Grigorova Tzankova 
  • Katrín Jónsdóttir
  • Kolbrún Bjargmundsdóttir 
  • Kristín Ósk Hlynsdóttir 
  •  Lára Aðalsteinsdóttir 
  • Lísa Kristín Gunnarsdóttir 
  • Lýður Skúli Erlendsson 
  • Margrét Jóhannsdóttir 
  • Margrét K. Sverrisdóttir 
  • Miriam Petra Ómarsdóttir Awad 
  • Mjöll Waldorff
  • Óli Örn Atlason 
  • Óskar Eggert Óskarsson 
  • Ragnhildur Zoëga 
  • Rakel Jónsdóttir
  • Rúna Vigdís Guðmarsdóttir 
  • Sigríður Heimisdóttir
  • Sigríður Grétarsdóttir 
  • Sigríður M. Vigfúsdóttir 
  • Sigrún Ólafsdóttir 
  • Sigurður Björnsson
  • Skúli Leifsson 
  • Sólveig Sigurðardóttir 
  • Steinunn S. Jakobsdóttir 
  •  Svandís Unnur Sigurðardóttir 
  • Vigfús Eyjólfsson 
  • Þorgerður Eva Björnsdóttir 
  • Ægir Þór Þórsson 

Starfsfólk Rannís hjá IASC

  •  Gerlis Fugmann 
  • Kolbrún Reynisdóttir 
  • Frederica Scarpa, samkvæmt samkomulagi við Norðurslóðanet .

Breytingaferli Rannís 2011-2021

  • Rannís falin umsýsla með rekstri Gæðaráðs háskóla og ráðgjafarnefndar Gæðaráðs háskóla.

    Rannís falin umsýsla með Skattfrádrætti rannsókna- og þróunarverkefna.

    Rannís falið að annast umsjón með fundarsókn í rammaáætlun Evrópusambandsins á sviði vísinda og rannsókna.

    Rannís falið að annast umsýslu með málefnum Alþjóðlegu norðurskauts-vísindanefndarinnar (IASC).

    • Landskrifstofa Menntaáætlunar ESB og fleiri verkefni flytjast frá Háskóla Íslands til Rannís, ásamt norrænu menntaáætluninni og upplýsingastofu um nám erlendis.
    • Umsýsla 12 sjóða á sviði menntamála, menningar- og æskulýðsmála flyst frá mennta- og menningarmálaráðuneytinu til Rannís.
    • Rannís falin umsjón með Menningaráætlun ESB.
    • Rannís tekur að sér eigið bókhald vegna niðurlagningar SRA (skrifstofa rannsóknastofnana atvinnuveganna).
    • Rannís flytur í nýtt húsnæði.
    • Rannís tekur að sér ritarastarf fyrir Vísinda- og tækniráð og Vísindanefnd.
    • Breytingar á reikningshaldi vegna nýrra laga um opinber fjármál sem tóku gildi 1. janúar.
    • Alþjóðlega norðurskautsvísindanefndin (IASC) opnar skrifstofu að Borgum á Akureyri.
    • Rannís falin umsjón með rekstri skrifstofunnar. Rannís tekur við rekstri æskulýðshluta Erasmus+ af Ungmennafélagi Íslands.
    • Umsýsla með Skattfrádrætti frá tekjum erlendra sérfræðinga.
    • Barnamenningarsjóður Íslands í umsýslu Rannís.
    • Vinnu við stefnu Rannís til 2025 lokið.
    • Ísland tekur við stjórn Nordplus menntaáætlunar Norrænu ráðherranefndarinnar.
    • Rannís falin umsjón með rekstri aðalskrifstofunnar.
    • Loftslagssjóður í umsýslu Rannís.
    • Jafnréttissjóður Íslands í umsýslu Rannís.
    • Stuðningur við útgáfu bóka á íslensku í umsýslu Rannís.
    • Gæðaráð háskóla varð sjálfstæð rekstrareining í byrjun árs og hætti að heyra beint undir Rannís en hafði þó aðstöðu þar áfram.
    • Alþjóðasvið sameinast rannsókna- og nýsköpunarsviði.
    • Greiningar- og hugbúnaðarsvið stofnað.
    • Rannsóknasetur Margrétar II Danadrottningar og frú Vigdísar Finnbogadóttur um haf, loftslag og samfélag í umsýslu Rannís.
    • Rannís tekur upp fjárhagskerfið Orra.
    • Office 365 innleitt.
    • Straumlínustjórnun innleidd.
    • Enterprise Europe Network flyst til Rannís frá Nýsköpunarmiðstöð Íslands.
    • Menntarannsóknsjóður í umsýslu Rannís.
    • Bókasafnasjóður í umsýslu Rannís.
    • Doktorsnemasjóður umverfis-, orku- og loftslagsráðuneytisins í umsýslu Rannís.
    • Sprotasjóður í umsýslu Rannís.