Hlutverk Rannís

Rannís styður þekkingarsamfélagið með rekstri samkeppnissjóða, aðstoð og kynningu á alþjóðlegum sóknarfærum og samstarfsmöguleikum ásamt því að greina og kynna áhrif rannsókna, menntunar og menningar á þjóðarhag.

Rannís hefur umsjón með helstu samkeppnissjóðum á sviði rannsókna og nýsköpunar, menntunar og menningar á Íslandi auk samstarfsáætlana ESB og norrænna áætlana sem veita styrki til samstarfsverkefna, náms og þjálfunar.

Á meðal sjóðanna eru Rannsóknasjóður og Tækniþróunarsjóður sem eru tveir stærstu samkeppnissjóðir hér á landi. Bókasafnasjóður, Íþróttasjóður, Listamannalaun og Starfslaunasjóður sjálfstætt starfandi fræðimanna eru dæmi um smærri sjóði og Horizon Europe og Erasmus+ eru stærstu ESB áætlanirnar. Samskiptanetið er stórt en skólar, stofnanir, einstaklingar, samtök og fyrirtæki, auk stjórnsýslunnar, tilheyra viðskiptavinahópi Rannís.

Yfirlit yfir helstu samkeppnissjóði og sérverkefni sem Rannís hefur umsjón með:

Skipurit Rannís

Fjögur svið Rannís og skrifstofa forstöðumanns

Starfsemi Rannís skiptist í tvö fagsvið: Rannsókna- og nýsköpunarsvið og mennta- og menningarsvið. Rekstrarsvið og greiningar- og hugbúnaðarsvið ganga þvert á fagsviðin og styðja starfsemi þeirra.

Sameiginlegt markmið sviðanna er að efla samstarf stjórnvalda og hagsmunaaðila við undirbúning og framkvæmd opinberrar stefnu á sviði vísinda, tækniþróunar og nýsköpunar og styðja rannsóknir og nýsköpun, menntun, menningu og þróun mannauðs. Þá er innan Rannís skrifstofa forstöðumanns en henni tilheyra verkefni á sviði mannauðs-, samskipta- og kynningarmála.

*Upphæð tilgreinir heildarúthlutun á árinu 2025 úr innlendum sjóðum og erlendum áætlunum á meðan tafla yfir erlendar úthlutanir (í kafla um alþjóðlegt samstarf) sína meðal annars vegar uppsafnaða upphæð í Horizon Europe frá árinu 2021 og hins vegar úthlutaða upphæð til allra Norðurlanda í Nordplus menntaáætluninni árið 2025.