Viðburðarík starfsemi
Fjölbreyttir viðburðir skipa stóran sess í starfsemi Rannís. Þeim er ætlað að styðja kynningarstarf tengdu verkefnum og sjóðum, sem Rannís hefur umsjón með, og gera áhrif þekkingarsköpunar sýnileg. Viðburðir eru einnig uppskeruhátíðir sjóðanna sem lyfta upp verkefnum styrkþega.
Rannís skipulagði og tók þátt í fjölmörgum viðburðum, stórum sem smáum, á árinu.
Vísindavaka fagnar 20 ára afmæli
Rannís skipuleggur Vísindavöku á Íslandi í samstarfi við íslenska háskóla og stofnanir en hún er haldin samtímis í helstu borgum Evrópu síðustu helgina í september undir heitinu Researchers’ Night.
Rannsóknaþing
Rannís skipuleggur Rannsóknaþing þar sem tekin eru fyrir stefnumál á sviði rannsókna og nýsköpunar. Á Rannsóknaþingi er úthlutun Rannsóknasjóðs tilkynnt auk þess sem Hvatningarverðlaun Rannsóknasjóðs eru veitt því vísindafólki sem þykir hafa skarað fram úr snemma á ferlinum og skapað væntingar um framlag í vísindastarfi er treysti stoðir mannlífs á Íslandi.
Nýsköpunarþing
Nýsköpunarþing er haldið árlega sem samstarfsverkefni Rannís, Íslandsstofu, Nýsköpunarsjóðsins Kríu og Hugverkastofunnar.
Ársfundur Erasmus+ Evrópusamstarf í stafrænum heimi
Í tilefni Evrópuárs um stafræna borgaravitund í menntun efndi landskrifstofa Erasmus+ til ársfundar, á Evrópudeginum 9. maí í Eddu, undir yfirskriftinni Evrópusamstarf í stafrænum heimi – Fræðsla til framtíðar.
Uppskeruhátíð Uppbyggingarsjóðs EES
Uppskeruhátíð Uppbyggingarsjóðs EES fór fram á Hóteli Reykjavík Natura þann 29. apríl og sóttu viðburðinn tæplega 80 gestir.
Vísindakakó
Á viðburðinum Vísindakakói gefst gestum tækifæri á að hitta aðila úr vísindasamfélaginu, taka óformlegt spjall um vísindarannsóknir og spyrja ótal spurninga um allt sem tengist rannsóknum og vísindum.
Aðrir viðburðir
Fjölmargir aðrir viðburðir fóru fram á árinu sem voru skipulagðir af starfsfólki Rannís eða voru haldnir með þátttöku þess, þar sem starfsemin og tækifærin, sem eru í boði hjá Rannís, voru kynnt.
NOS ráðstefna Nordforsk
Rannís tekur þátt í þremur norrænum samstarfsnefndum á vegum rannsóknaráða Norðurlandanna undir hatti Nordforsk: NOS-HS á sviði hug- og félagsvísinda, NOS-N í raunvísindum og náttúruvísindum og NOS-M sem er samstarfsnefnd í heilbrigðisvísindum.
Eru evrópskir háskólar í fararbroddi? – Ávinningur af þátttöku íslenskra háskóla í evrópskum háskólanetum
Þann 14. október 2025 var málþing haldið í Norræna húsinu undir yfirskriftinni Eru evrópskir háskólar í fararbroddi? – Ávinningur af þátttöku íslenskra háskóla í evrópskum háskólanetum. Um 100 manns sótti viðburðinn á staðnum og rúmlega 100 manns fylgdist með í streymi.
Evrópski tungumáladagurinn
Rannís stóð fyrir viðburði í tilefni Evrópska tungumáladagsins í samstarfi við STÍL, Tungumálamiðstöð Háskóla Íslands og Vigdísarstofnun fimmtudaginn 25. september 2025 í Veröld – húsi Vigdísar.
Hringborð Norðurslóða
Rannís tók virkan þátt í Hringborði Norðurslóða (e. Arctic Circle Assembly) ráðstefnunni sem haldin var í Hörpu.
Nýsköpunarvikan
Rannís og Tækniþróunarsjóður tóku þátt í Nýsköpunarvikunni (e. Iceland Innovation Week) sem meðal annars fór fram í Kolaportinu.
Mín framtíð
Rannís tók þátt í Minni framtíð sem fram fór í Laugardalshöll.
Alþjóðleg tengslaráðstefna um Erasmus+ námsdvalir nemenda
Dagana 6.–8. október skipulagði Landskrifstofa Erasmus+ tengslaráðstefnu sem fjallaði um lengri námsdvalir nemenda í skólahlutanum (Long-Term Learning Mobility of School Pupils).