Árið 2022 gert upp í máli og myndum
Hér getur að líta brot af því helsta sem bar til tíðinda í starfsemi Rannís á árinu.
Viðburðir og kynningar skipa stóran sess í starfsemi Rannís. Til að styðja við kynningarstarf á rannsóknum, nýsköpun, menntun og menningu og gera áhrif þekkingarsköpunar sýnileg, stendur Rannís fyrir ýmsum viðburðum eins og Rannsóknaþingi, Vísindavöku, vorfundi Tækniþróunarsjóðs, Erasmus dögum og Nýsköpunarþingi. Þá eru haldnir kynningarfundir víða um land, námskeið, vinnustofur og tengslaráðstefnur.
Rannís á einnig þátt í að hvetja vísinda- og fræðafólk til dáða með viðurkenningum á borð við Hvatningaverðlaun Vísinda- og tækniráðs í samvinnu við ráðið, Nýsköpunarverðlaun forseta Íslands í samvinnu við Nýsköpunarsjóð námsmanna og Nýsköpunarverðlaun Íslands í samvinnu við Íslandsstofu, Nýsköpunarmiðstöð Íslands og Nýsköpunarsjóð atvinnulífsins.
Skýrslan Starfsnám á vegum Erasmus+ áætlunarinnar: Viðhorf og reynsla nemenda kemur út
Úthlutun 39 stöðugilda til námsorlofa kennara og stjórnenda í framhaldsskólum fyrir veturinn 2022 -2023
Viðtal við Ágúst Hjört Ingþórsson og Rakel Jónsdóttur í Fréttablaðinu
Tilefni viðtalsins var 30 ára afmæli Nýsköpunarsjóðs námsmanna á árinu.
Bókasafnasjóður úthlutar 20 milljónum króna til 11 verkefna
Íþróttasjóður úthlutar tæpum 23 milljónum króna til 79 verkefna
Launasjóður listamanna úthlutar 236 listamönnum 1.600 mánaðarlaunum
Rannsóknasjóður úthlutar rúmum 1.400 milljónum króna til 82 nýrra verkefna
Alls bárust 355 gildar umsóknir í Rannsóknasjóð og voru 82 þeirra styrktar eða rúmlega 23% umsókna. Um var að ræða stærstu úthlutun sjóðsins frá upphafi.
Fréttablaðið fjallar um verkefni sem hlutu Öndvegisstyrk úr Rannsóknasjóði
Úthlutun styrkja úr Innviðasjóði til 16 verkefna, samtals rúmlega 537 milljónir króna
Aukaúthlutun styrkja til íslenskukennslu fyrir útlendinga
Heildarupphæð er 131,8 milljónir króna til 18 verkefna.
Tónlistarsjóður úthlutar 64 milljónum til 69 verkefna og styrkþega
Um er að ræða fyrri úthlutn ársins.
Vefstofur fyrir umsækjendur Erasmus+ og European Solidarity Corps
Vefstofurnar voru 2. - 22. febrúar og veitti starfsfólk Landskrifstofu almennar upplýsingar um þessar tvær áætlanir og umsóknarfresti.
Nýsköpunarverðlaun forseta Íslands
Margrét Vala Þórisdóttir, Signý Kristín Sigurjónsdóttir og Valgerður Jónsdóttir hljóta Nýsköpunarverðlaun forseta Íslands 2022 fyrir verkefnið Betri gjörgæslumeðferð með gagnasjá sem styrkt var af NSN. Forseti Íslands, Guðni Th. Jóhannesson, afhenti verðlaunin.
Jafnlaunakerfi Rannís fær vottun
Jafnlaunavottunin gildir til ársins 2025 og er samvæmt ÍST staðli 85:2012.
Landskrifstofa Erasmus+ veitir yfir tveimur milljónum evra í styrki til 11 nýrra samstarfsverkefna
Kynningar- og samráðsfundur um leiðangra, rannsókna- og nýsköpunaráætlunar ESB, sem beinast að loftslags- og umhverfisbreytingum
Fundinn sátu stjórnendur lykilráðuneyta, forsvarsfólk stofanana og hagaðilar. Opnunarávörp fluttu Áslaug Arna Sigurbjörnsdóttir háskóla-, iðnaðar og nýsköpunarráðherra og Guðlaugur Þór Þórðarson, umhverfis-, orku- og loftslagsráðherra. Kveðju frá ESB flutti Lucie Samcová - Hall Allen, sendiherra Evrópusambandsins á Íslandi. Dagur B. Eggertsson borgarstjóri Reykjavíkurborgar sagði frá áformum um að Reykjavík verði valin sem ein af 100 kolefnishlutlausum snjallborgum Evrópu árið 2030.
Sviðslistasjóður úthlutar 160 milljónum króna til 23 atvinnuleikhópa
Erasmus+ kaffi
Spjall á netinu um tækifærin í samstarfsverkefnum Erasmus+.
Hinsegin fræðsla fyrir starfsfólk Rannís
Opnað fyrir umsóknir um námsstyrki í nýjan UK-Iceland Explorer sjóð
Áslaug Arna Sigurbjörnsdóttir ráðherra háskóla, iðnaðar og nýsköpunar heimsækir Rannís
Rannís, Íslandsstofa og Orkustofnun standa að kynningarfundi
Kynnt voru tækifæri fyrir íslensk fyrirtæki til þátttöku í verkefnum á vegum Uppbyggingasjóðs EES.
Árshátíð starfsfólks Rannís haldin á Húsavík
Gagnatorg Rannís opnar
Áslaug Arna Sigurbjörnsdóttir, ráðherra háskóla, iðnaðar og nýsköpunarmála opnaði Gagnatorgið formlega fyrir hönd Rannís. Þar má finna allar upplýsingar um umsóknir og úthlutanir úr þeim sjóðum sem Rannís hefur umsjón með, en stofnunin rekur um 30 sjóði á sviði rannsókna, nýsköpunar, menntunar og menningar.
Ágúst Hjörtur Ingþórsson nýr forstöðumaður Rannís
Landskrifstofa veitir styrki til 35 verkefna um nám og þjálfun í Erasmus+ og þriggja sjálfboðliðaverkefna í European Solidarity Corps
Erasmus+ nám og þjálfun: 4,4 milljónir evra og ESC 178 þúsund evrur.
Stafgrænt Ísland í Evrópu – Kynning á European Digital Innovation Hub (EDIH) og Digtial Europe styrktaráætluninni í Grósku
DiscoverEU í fyrsta sinn opið ungmennum á Íslandi
Markmið verkefnisins er að gefa ungu fólki færi á að ferðast á umhverfisvænan hátt um Evrópu, opna huga sinn gagnvart annarri menningu og kynnast nýju fólki.
Viðtal við Siggu Heimis sérfræðing Rannís og Maríu Guðmundsdóttur stofnanda og framkvæmdastjóra Parity í blaðinu Konur í upplýsingatækni
Fyrri úthlutun Æskulýðssjóðs til fimm verkefna
Nýsköpunarsjóður námsmanna styrkir 214 verkefni
Úthlutun Tækniþróunarsjóðs - Fræ/Þróunarfræ
Fulltrúum 26 verkefna var boðið að ganga til samninga um nýja styrki.
Rannís tekur þátt í nýju verkefni um raunfærnimat á háskólastigi
Landskrifstofa veitir styrki til 11 nýrra verkefna í European Solidarity Corps og 9 nýrra verkefna um nám og þjálfun í Erasmus+
Alls voru veittar 40 þús evrur til ESC og rúmlega 300 þúsund evrur í nám og þjálfun.
Rannís tekur á móti Hringiðu
Rannís er einn af bakhjörlum viðskiptahraðalsins Hringiðu sem hefur það að markmiði að draga fram, efla og styðja við nýsköpunarverkefni fyrirtækja og stofnana.
Loftslagsmót Rannís, Grænvangs og EEN í samstarfi við Festu og umhverfis-, orku- og loftslagsráðuneytið
Mennta- og menningarsvið Rannís heimsækir Akureyri og kynnir tækifæri sem bjóðast innan evrópskra og norrænna styrkjaáætlana
Grænland og Ísland styrkja rannsóknasamstarf sín á milli
Rannsóknaráð Grænlands og Rannsóknamiðstöð Íslands hafa gert samkomulag um að styrkja samstarf á sviði rannsókna, nýsköpunar og menntunar á milli landanna tveggja.
Rannís setur í loftið sérstaka heimasíðu um Evrópuár unga fólksins og tilkynnir um röð af viðburðum yfir árið sem beina sjónum að ungu fólki
Fundur alþjóðafulltrúa í háskólum landsins og Landskrifstofu Erasmus+, haldinn á Hvanneyri
Rannís tekur þátt í Nýsköpunarviku
Markmiðið er að auka aðgengi og sýnileika nýsköpunar á Íslandi og gefa fyrirtækjum og sprotum tækifæri að kynna eigin nýsköpun.
Evrópsk starfsmenntavika 16.-20. maí
Í evrópsku starfsmenntavikunni er starfsmenntun kynnt í mörgum Evrópulöndum samtímis, svæðisbundið og á landsvísu.
Kynningarfundur í húsnæði Rannís um nýsköpunarstyrki Evrópska nýsköpunarráðsins (EIC)
Kynningin var haldin í samstarfi við Enterprise Europe Network (EEN) á Íslandi, Samtök sprotafyrirtækja (SSP), Samtök iðnaðarins (SI), Evris og Grænvang.
Úhlutun styrkja til íslenskukennslu fyrir útlendinga
Samtals fengu fyrirtæki og stofnanir styrki til þess að halda 453 námskeið fyrir 5.247 nemendur á árinu 2022.
Rannís tekur þátt í UTmessunni
Barnamenningarsjóður úthlutar styrkjum til 34 verkefna
Tilkynnt um fyrri úthlutun ársins úr Hljóðritasjóði
Alls fá 59 hljóðritunarverkefni 28.720 milljónir króna.
Upphafsfundur haldinn fyrir styrkhafa samfélagsverkefna European Solidarity Corps og æskulýðsverkefni Erasmus+
Kynningarfundur Rannís um LIFE áætlunina
LIFE áætlunin er Evrópuáætlun á sviði loftslags- og umhverfismála.
Úthlutun úr Sprotasjóði til 36 verkefna
Úthlutun úr Þrjóunarsjóði námsgagna til 28 verkefna
Opnað fyrir þátttöku í 70 ný COST verkefni
Skýrsla um Erasmus+ stúdentaskipti á Norðurlöndum kemur út
Skýrslan er samstarfsverkefni allra norrænu landskrifstofanna.
Landskrifstofa Erasmus+ úthlutar styrkjum til 17 nýrra samstarfsverkefna og fimm verkefna um alþjóðavídd í námi og þjálfun hjá háskólum
Erasmus+ samstarfsverkefni með styrki upp á 3,6 milljónir evra og alþjóðavíddin um hálfa milljón evra.
Fyrirtækjastefnumót á vegum Enterprise Europe Network á Íslandi á Íslensku sjávarútvegssýningunni
Ársskýrsla Rannís kemur út
Í fyrsta sinn er hún gefin út á rafrænu formi.
Vorfundur Tækniþróunarsjóðs
Fundurinn var haldinn á Hótel Borg og var yfirskriftin: Jafnræði í íslenskri nýsköpun með sérstakri áherslu á að auka hlut kvenna og var öllum styrkþegum boðið. Alls var fulltrúum 91 verkefnis sem sóttu um í sjóðinn boðið að ganga til samninga um nýja styrki.
Aukaúthlutun listamannalauna
Til úthlutunar úr launasjóðnum voru 200 mánaðarlaun í 2 flokkum: sviðslista og tónlistarflytjenda.
Aukaúthlutun úr Sviðslistasjóði
Sviðslistasjóður veitir 25 milljónum króna til 9 verkefna leikárið 2022/23 í þessari auka úthlutun og fylgja þeim 42 listamannalaunamánuðir úr launasjóði sviðslistafólks, 8 mánuðir voru veittir þremur einstaklingum utan sviðslistahópa.
Tónlistarsjóður - síðari úthlutun
Veittir eru styrkir til 100 tónlistartengdra verkefna að upphæð rúmlega 71,2 milljónir króna
Úthlutun úr Starfslaunasjóði sjálfstætt starfandi fræðimanna
Bókasafnasjóður úthlutar 20 milljónum til níu verkefna
Sumargleði starfsfólks Rannís
Miðstöð snjallvæðingar á Íslandi fær 300 milljóna króna styrk frá Evrópusambandinu
Ísland er hluti af áætlun Evrópusambandsins um stafræna Evrópu (DIGITAL Europe), sem varir frá 2021 til 2027. Hluti af áætluninni er að stofna Evrópska miðstöð stafrænnar nýsköpunar (European Digital Innovation Hub: EDIH) hér á landi, en hún verður sett á laggirnar nú í haust af Auðnu tæknitorgi í samstarfi við Háskóla Íslands, Háskólann í Reykjavík, Rannís, Origo, Syndís ásamt fleiri samstarfsaðilum og kölluð „Miðstöð snjallvæðingar“.
Úthlutað úr Markáætlun í tungu og tækni
Styrkt voru sjö verkefni á sviði tungu og tækni um allt að 170 milljónir króna í annarri úthlutun áætlunarinnar.
Styrkir veittir til verkefna og viðburða á Evrópuári unga fólksins
Veittir voru 18 styrkir samtals að upphæð 3,4 m.kr. til alls konar hugmynda og verkefna, til stofnana og samtaka sem vinna með ungu fólki.
Tækniþróunarsjóður í samstarf við KLAK um Dafna
Ágúst Hjörtur Ingþórsson, forstöðumaður Rannís og Kristín Soffía Jónsdóttir, framkvæmdastjóri KLAK - Icelandic Startups, komu saman í Grósku og undirrituðu samning milli Tækniþróunarsjóðs og KLAK um stuðningskerfið Dafna.
Sumarhátíð unga fólksins í tilefni Evrópuárs unga fólksins
Árið 2022 er tileinkað ungu fólki vegna þess að það leikur lykilhlutverk við að móta framtíð Evrópu og var blásið var til heljarinnar hátíðar í Laugardalslaug.
Kynningarfundur um Tækniþróunarsjóð og Skattfrádrætti rannsókna- og þróunarkostnaðar.
Samtök iðnaðarins, Samtök sprotafyrirtækja og Rannís stóðu fyrir fundinum.
Námsstyrkjum úr UK-Iceland Explorer sjóðnum úthlutað í fyrsta sinn
Tækniþróunarsjóður heldur kynningarfund á Ísafirði og í streymi
Rannís á Egilsstöðum
Kynnt voru tækifæri sem bjóðast innan evrópskra og norrænna styrkjaáætlana, svo sem Erasmus+, áætlunar ESB fyrir öll skólastig og æskulýðsmál, Creative Europe, kvikmynda- og menningaráætlunar ESB, Nordplus, menntaáætlunar Norrænu ráðherranefndarinnar, og Uppbyggingarsjóðs EES, auk þess sem fleiri leiða til evrópsks samstarfs.
Vinnustofa haldin í Nuuk Grænlandi
Vinnustofan var haldin 25. og 26. ágúst sem forfundur fyrir Grænlandsmálþing Hringborðs norðuslóða og var á vegum Rannís, Rannsóknaráðs Grænlands, Norðurslóðanets Íslands og Arctic Hub. Í kjölfar vinnustofunnar tóku fulltrúar Rannís einnig þátt í Grænlandsmálþingi Hringborðs norðurslóða.
Viðtal við Svandísi Unni Sigurðardóttur, Mjöll Waldorff og Sigþrúði Guðnadóttur sérfræðinga Rannís í sérblaði Fréttablaðsins um Nýsköpun
Rúmenska rannsóknarráðið heimsækir Rannís
Hinn árlegi viðburður Enterprise Europe Network, Viking days, var haldinn á Íslandi
Dagarnir voru haldnir 31. ágúst til 1. september.
Rannís auglýsir eftir tilnefningum til viðurkenningar fyrir vísindamiðlun
Viðurkenningin er veitt á Vísindavöku 1. október.
Landskrifstofa Erasmus+ heldur kynningarfund á Nauthóli um samstarfsverkefni
Fundur er einnig haldinn á Teams um samstarfsverkefni þann 9. september.
Sameiginleg leiðbeinendaþjálfun íslensku háskólanna í umsjón Rannís
Vitae, starfsþróunarsetur fræðimanna í Bretlandi, annast þjálfunina en Rannís heldur utan um hana. Fjórir íslenskir háskólar sem veita doktorspróf taka þátt í þjálfuninni, sem er rafræn og fer fram á ensku.
Starfsfólk Landskrifstofu Erasmus+ á Íslandi á faraldsfæti
Starfsdagar Samfés að Varmalandi og ráðstefna UMFÍ - Ungmennafélags Íslands Ungt fólk og lýðræði á Laugarvatni sótt heim.
Umsóknarsmiðja LIFE, umhverfis- og loftslagsáætlunar Evrópusambandsins í tengslum við umsóknarskrif
Umsóknarsmiðjan var haldin í húsakynnum Rannís Borgartúni.
Rannís og Auðna undirrita samstarfssamning um „Master Class í vísindalegri nýsköpun“ fyrir styrkþega sjóðsins
Controlant er Vaxtarsproti ársins
Vaxtarsproti ársins er veittur sem viðurkenning fyrir öfluga uppbyggingu sprotafyrirtækis.
Nýsköpunarþing - Hugvitið út?-Hvernig verður hugvit stærsta útflutningsgrein Íslands?
Nýsköpunarverðlaun Íslands voru afhent á Nýsköpunarþingi en veitt voru verðlaun fyrir árið 2021 og 2022. Fyrirtækið Sidekick Health hlaut Nýsköpunarverðlaun Íslands 2022 og Lauf Forks Nýsköpunarverðlaun Íslands 2021. Nýsköpunarverðlaunin eru veitt af Rannís, Íslandsstofu, Nýsköpunarsjóði atvinnulífsins og Hugverkastofunni.
Sérstakt blað tileinkað Vísindavöku kemur út með Fréttablaðinu
Hvað viltu vita um frumurnar þínar?
Þórarinn Guðjónsson, prófessor og forseti læknadeildar Háskóla Íslands var gestur á fyrsta Vísindakaffi Rannís og fjallaði hann um stofnfrumur en stofnfrumurannsóknir sem verða sífellt mikilvægari í leitinni að lausnum við margvíslegum sjúkdómum.
Evrópskir rannsókna- og nýsköpunardagar 28. og 29. september og er um að ræða árlegan viðburð á vegum framkvæmdstjórnar Evrópusambandsins
Orkan og gleðin í umhverfinu okkar, hvers konar þéttbýli viljum við?
Páll Jakob Líndal doktor í umhverfissálfræði hélt utan um annað Vísindakaffi Rannís. Páll fjallaði um sálfræðileg áhrif umhverfis á heilsu og vellíðan.
Viltu smakka? Hvernig bragðast?
Aðalheiður Ólafsdóttir skynmatsstjóri hjá Matís var síðasti gestur Vísindakaffis Rannís í höfuðborginni. Aðalheiður fjallaði um skynmat, matarupplifun og gæðamat.
Vísindakaffi á Hólmavík
Rannsóknasetur HÍ á Ströndum. Þjóðfræðingarnir Jón Jónsson og Eiríkur Valdimarsson kynntu rannsóknir sínar.
Fyrsta VísindaSlamm (ScienceSlam) á Íslandi
Ungt vísindafólk keppti í vísindamiðlun í samstarfi við Erasmus+ í tengslum við evrópuár unga fólksins.
Vísindakaffi í Þingeyjarsveit 30. september og 1. október - Svartárkot menning - náttúra og stofnun rannsóknasetra HÍ.
Tveggja daga málþing sem markaði upphaf starfsemi nýs rannsóknaseturs, Huldu – náttúruhugvísindaseturs, sem verður samstarfsvettvangur Svartárkots menningar – náttúru og nýs rannsóknaseturs Háskóla Íslands í Þingeyjarsveit sem stefnt er að að stofna á næsta ári.
Vísindavaka Rannís í Laugardalshöll
Háskóli unga fólksins fær viðurkenningu Rannís fyrir vísindamiðlun en verðlaunin voru afhent við opnun Vísindavöku Rannís.
Vísindakaffi á Höfn - Rannsóknasetur HÍ á Hornafirði
Fræðsludagskrá í tilefni Vísindavöku.
Vísindakaffi á Þingeyri
Rannsóknasetur HÍ á Vestfjörðum-Ferðir fiskanna – rannsóknir í Dýrafirði.
Vísindakaffi í Vestmannaeyjum
Þekkingarsetur Vestmannaeyja - Whales of Vestmannaeyjar.
Vísindakaffi á Breiðdalsvík
Rannsóknasetur HÍ á Breiðdalsvík, Borkjarnasafn Náttúrufræðistofnunar Íslands og Breiðdalssetur - Borkjarnar, skyggnst undir yfirborðið.
Landskrifstofa Erasmus+ heldur fjölþjóðlega ráðstefnu um blönduð hraðnámskeið á Bifröst dagana 10. - 12. október
Erasmus+ vefstofa um aðild að Erasmus+ áætluninni
Vefstofan er fyrir leik-, grunn- og framhaldsskóla og aðrar stofnanir sem starfa á þeim skólastigum.
Samstarf Íslands og Noregs á sviði norðurslóðafræða endurnýjað
Martin Eyjólfsson, ráðuneytisstjóri utanríkisráðuneytis Íslands, og Eivind Vad Petersson, ráðuneytisstjóri utanríkisráðuneytis Noregs, undirrituðu viljayfirlýsinguna.
Erasmus+ dögum fagnað hér á landi og um alla Evrópu
Tækniþróunarsjóður úthlutar úr Fræ/Þróunarfræ
Fulltrúum 18 verkefna boðið að ganga til samninga um nýja styrki.
Viðtal við Ágúst Hjört Ingþórsson forstöðumann Rannís í The Buisness Report
Einnig var umfjöllun um starfsemi og áherslur Rannís.
Úthlutun úr sjóði samstarfsnefndar um endurmenntun framhaldsskólakennara, SEF.
Samþykktar umsóknir voru 26 vegna ráðstefna og 28 vegna gestafyrirlesara.
Landskrifstofa Erasmus+ heldur ráðstefnu um inngildingu á landsbyggðinni á Akureyri
Rannís heimsækir Húsavík - Tækifæri og styrkir á sviði menntunar og menningar
Kynnt voru tækifæri sem bjóðast innan evrópskra og norrænna styrkjaáætlana, svo sem Erasmus+ áætlunar ESB fyrir öll skólastig og æskulýðsmál, Creative Europe kvikmynda- og menningaráætlunar ESB, Nordplus menntaáætlunar Norrænu ráðherranefndarinnar og Uppbyggingarsjóðs EES, auk þess sem fleiri leiðir til evrópsks samstarfs verða kynntar.
Baskasetur á Djúpavík fær Creative Europe Evrópustyrk
Kynningarfundir á vegum IASC og Rannís
Fundirnir voru 8. og 14. nóvember á Akureyri og Reykjavík.
Rannís og Norræna húsið standa fyrir sameiginlegum kynningarfundi
Á fundinum voru kynnt tækifæri innan Nordplus, menntaáætlunar Norrænu ráðherranefndarinnar.
Úthlutun úr Doktorsnemasjóði umhverfis-, orku- og loftslagsráðuneytis
Styrkt voru þrjú verkefni upp á 16,7 milljónir króna alls.
Alþjóðadagar Háskóla Íslands
Fulltrúar frá Erasmus+, European Solidarity Corps, Europass og Eurodesk kynntu Evrópuáætlanirnar og tækifærin sem standa ungu fólki til boða í formi skiptináms, sjálfboðastarfa, æskulýðsstarfs og fleira.
Vefkynning á vegum Rannís, franska sendiráðsins á Íslandi og ráðuneyti háskóla- og rannsókna í Frakklandi
Fjallað var um fjármögnunarmöguleika rannsóknaverkefna fyrir víðtækari þátttöku og eflingu evrópska rannsóknasvæðisins
Rannís heldur vefstofu um opin vísindi í Horizon Europe
Sérfræðingur í ábyrgum vísindum og nýsköpun frá FFG í Austurríki, Michalis Tzatzanis heldur vefstofuna.
Dagur íslenskrar tungu
Í tilefni af degi íslenskrar tungu var umfjöllun í Fréttablaðinu um sjóði sem hafa það að markmiði að styðja við íslenska tungu með beinum og óbeinum hætti.
Fundur á vegum Landskrifstofu og starfsmenntahóps Erasmus+
Fundurinn var með alþjóðafulltrúum sem starfa á sviði starfsmenntunar í framhaldsskólum og stofnunum.
Seinni úthlutun Hljóðritasjóðs
Alls eru styrkt 74 verkefni að upphæð rúmlega 34 milljónir króna.
Rannsóknaþing og afhending Hvatningarverðlauna Vísinda- og tækniráðs
Dr. Yvonne Höller, prófessor við Háskólann á Akureyri hlaut Hvatningarverðlaun Vísinda- og tækniráðs 2022. Katrín Jakobsdóttir forsætisráðherra og formaður Vísinda- og tækniráðs afhenti verðlaunin. Einnig kynnti Katrín Frímannsdóttir Áhrifamat Rannsóknasjóðs fyrir árin 2011-2015. Yfirskrift þingsins var Þekking í þágu samfélags: Áhrif rannsókna á Íslandi.
Askur–mannvirkjarannsóknasjóður og Rannís standa fyrir fundi um stærri styrktækifæri í mannvirkjaiðnaði
Fimm verkefni styrkt í seinni úthlutun Æskulýðssjóðs
Jólagleði starfsfólks
Alþjóðlegur dagur sjálfboðaliða
Rannís býður upp á kynningarpartý í Stúdentakjallaranum þar sem meðal annars evrópskir sjálfboðaliðar staðsettir á Íslandi kynntu sín verkefni.
Landskrifstofa veitir styrki til 12 nýrra Erasmus+ samstarfsverkefna og verkefna um nám og þjálfun
Við sama tækifæri hlutu 27 stofnanir og samtök aðild að Erasmus+ áætluninni.
Heimsókn Landskrifstofu Erasmus+ og Eurodesk til Grundarfjarðar
Nýsköpunarsjóður námsmanna gefur út sérstakt kynningarblað með viðtölum við styrkhafa
Tilefnið er 30 ára afmæli sjóðsins á árinu.
Upplýsingadagar Rannís fyrir Horizon Europe
Dagarnir voru 9. og 12. desember og var sjónum beint að klasa 4, klasa 5 og klasa 6.
Haustfundur og haustúthlutun Tækniþróunarsjóðs
Alls var úthlutað 1.218 milljónum króna til 60 verkefna. Haldin var uppskeruhátíð í Grósku þar sem nýir styrkþegar voru boðnir velkomnir til samstarfs við sjóðinn. Einnig var kynnt Áhrifamat Tækniþróunarsjóðs sem náði til áranna 2014-2018.
Jólakaffi fyrir starfsfólk Rannís
Úthlutun listamannalauna til 236 listamanna
Úthlutun námsorlofa kennara og stjórnenda í framhaldsskólum
Á árinu 2022 voru um 417 milljónir endurgreiddar vegna stuðnings við útgáfu bóka á íslensku